ธมฺมี สงฺฆี ญาณี หตฺถี, จกฺกี ปกฺขี ทาฐี รฏฺฐี;
ฉตฺตี มาลี จมฺมี โยคี, ภาคี โภคี กามี สามีฯ
ธชี คณี สสี กุฏฺฐี, ชฏี ยานี สุขี สิขี;
ทนฺตี มนฺตี กรี จาคี, กุสลี มุสลี พลี; (วาจี, รู)
ปาปการี สตฺตุฆาตี, มาลฺยการี ทีฆชีวี;
ธมฺมวาที สีหนาที, ภูมิสายี สีฆยายีฯ
อีการนฺตํฯ
ภิกฺขุ, สิโลโปฯ ลสญฺญายํ –
83. ลา โยนํ โว ปุเม
ลโต โยนํ โว โหติ วา ปุลฺลิงฺเคฯ
94. เว+โวสุ ลุสฺส
ลสญฺญสฺส อุสฺส เว+โวสุ ฏ โหติฯ เอตฺถ ‘‘ปุมาลปเน เวโว’’ ตฺย+ตฺร โวสฺส สหจริตญายา อนิสฺสิตตฺตา ชาติวเสน ‘‘ลา โยนํ’’ ตฺยาโท โว จ คยฺหติฯ ภิกฺขโวฯ อญฺญตฺร ‘‘โลโป’’ติ โยโลโปฯ ‘‘โยโลปนิสุ ทีโฆ’’ติ ทีเฆ ภิกฺขูฯ โภ ภิกฺขุ ภิกฺขูฯ